Илия Топурия Джастин Гэйтжиден жеңилгенден кийинки кайтуусу жөнүндө биринчи жолу толук айтып берди. Мурдагы UFC чемпиону октагонго 2027-жылдын апрелинен эрте чыкпай турганын пландаштырууда жана каалаган атаандашы катары Пэдди Пимблеттти тандап алган.
Эки салмак категориясында мурдагы UFC чемпиону Илия Топурия 2027-жылдын жазында октагонго кайтууну пландаштырууда. Испан-грузин спортчусу профессионалдык карьерасындагы биринчи жеңилүүдөн кийин өзүнүн пландары жөнүндө айтып берди.
2026-жылдын июнунда Топурия UFC Freedom 250де Джастин Гэйтжиге техникалык нокаут менен утулуп, жеңил салмактагы чемпиондук курунан ажырады. Буга чейин ал бардык 17 профессионалдык беттешүүсүн утуп келген.
ABC Diario гезитине берген маегинде Илия бул жеңилүү анын спорттук карьерасындагы эң оор мезгил болгонун мойнуна алды. Бирок азыр ал мыкты формада кайтууну көздөп жатат.
«Биз апрелден тартып кайтуу мүмкүнчүлүгүн карап жатабыз», – деди Топурия.
Мурдагы чемпион каалаган атаандашын да аныктады.
«Пэдди, Пэдди, Пэдди. Мен аны колбасадай жеп коём, анткени ал ошондой», – деди Илия, Пэдди Пимблеттке чакырык ыргытып.
Спортчулардын ортосундагы тирешүү көптөн бери өз ара провокациялар менен коштолуп келет. Мурда британиялык да Топурия менен жолугушууну каалаганын билдирген.
Ошол эле учурда расмий беттешүү жарыясы азырынча жок. UFC Илиянын кайтуусунун үстүндө иштеп жатат, бирок акыркы дата жана атаандаш азырынча аныктала элек.